काठमाडौं । राप्ति हाइड्रो एण्ड जनरल कन्स्ट्रक्सन लिमिटेडले जेठ ११ गते वार्षिक साधारण सभा गर्ने भएको छ । कम्पनीको बैशाख १९ गते बसेको संचालक समितिको बैठकले गरेको निर्णयानुसार सभाको निर्णय भएको हो । सभा कम्पनीको कार्यालय त्रिपुरेश्वर, काठमाडौं जुममार्फत बिहान ९ बजे शुरु हुनेछ ।
सभामा सर्वसाधरणको लागि साधारण शेयर निष्काशन (आईपीओ) गर्ने तथा सो निष्काशनबाट प्राप्त हुने रकम उपयोगको प्रस्ताव अनुमोदन गरिने प्रस्ताव रहेको छ ।
त्यसैगरी, सभामा संचालक समितिको वार्षिक प्रतिवेदन, लेखापरीक्षण प्रतिवेदनसहित वासलात, नाफा नोक्सान हिसाब, तथा सोहि अवधिको नगदप्रवाह विवरणमाथि छलफल गरी अनुमोदन गर्नुका साथै लेखापरीक्षकको नियुक्ति गरी निजको पारिश्रमिक निर्धारण गरिने एजेण्डा रहेको छ ।
कम्पनीले साधरण सभा प्रयोजनको लागि बैशाख २८ गतेदेखि बुक क्लोज गर्ने निर्णय गरको छ । त्यसैले बैशाख २७ गतेसम्म नेप्सेमा कायम भइ कारोबार गर्ने सेयरधनीले मात्र सभामा भाग लिन सक्नेछन् ।
