काठमाडौं । आज पनि सुनको मूल्य स्थिर रहेको छ । हिजो तोलाको ८६ हजार ६ सय रुपैयाँमा कारोबार भएको छापावाला सुनको मूल्य आज पनि सोही मूल्यमा कारोबार भएको नेपाल सुनचाँदी व्यवसायी महासंघले जनाएको छ ।
त्यस्तै, तेजावी सुनको मूल्य आज तोलाको ८६ हजार १ सय ५० रुपैयाँ कायम भएको छ । आज चाँदीको मूल्य भने सामान्य बढेको छ । हिजो सोमबार तोलाको १ हजार २ सय ७५ रुपैयाँमा कारोबार भएको चाँदीको मूल्य आज ५ रुपैयाँले बढेर तोलाको १ हजार २ सय ८० रुपैयाँमा कारोबार भएको महासंघले जनाएको छ ।
