काठमाडौं । नेपाल हाइड्रो डेभलपर कम्पनीले चालु आर्थिक वर्षको दोस्रो त्रैमासको वित्तीय विवरण सार्वजनिक गरेको छ। कम्पनीले यस अवधिसम्ममा कम्पनीले १ करोड १८ लाख रुपैयाँ नाफा आर्जन गर्न सफल भएको छ। गत आर्थिक वर्षको तुलनामा कम्पनीको नाफा ५६ दशमलव ३३ प्रतिशतले थोरै हो ।
गत वर्ष कम्पनीले २ करोड ७० लाख रुपैयाँ खुद नाफा आर्जन गर्न सफल भएको छ। यता, कम्पनीको विद्युत बिक्रीबाट हुने आम्दानी पनि ३४ दशशमलव १४ प्रतिशतले घटेको छ ।
गत वर्ष ६ करोड ५८ लाख रुपैयाँ विद्युत बिक्रीबाट आम्दानी गरेको यस कम्पनीको दोस्रो त्रैमासिक अवधिमा घटेर चार करोड ३३ लाख रुपैयाँमा सीमित भएको छ । साथै कम्पनीको संचालन मुनाफा पनि ५ करोड ८८ लाख रुपैयाँबाट घटेर ३ करोड ६८ ला रुपैयाँमा झरेको छ ।
विद्युत् बिक्रीबाट हुने आम्दानी र संचालन नाफा घट्दा कम्पनीको नाफा घट्न गएको छ । कम्पनीको प्रतिशेयर आम्दानी पनि १० रुपैयाँ ४० पैसाबाट घटेर ९ रुपैयाँ ०८ पैसामा झरेको छ ।
