काठमाडौं। तारागाउँ रिजेन्सी होटल्सले आज फागुन १४ गते २४ औ वार्षिक साधारणसभा डाकेको छ। होटल्सले आर्थिक वर्ष २०७६/७७ को मुनाफाबाट १० प्रतिशत नगद लाभांसको प्रस्ताव साधारणसभामा पेश गर्नेछ।
कम्पनीको पुस २३ गते, बिहीबार बसेको सञ्चालक समितिको बैठकले गरेको निर्णय अनुसार कम्पनीको २४औं वार्षिक साधारण सभा कम्पनीको रजिष्टर्ड कार्यालय, बौद्ध, काठमाडौंमा बिहान ११ बजेबाट सुरू हुनेछ ।
यस सधारणसभाले शेयरधनी समुह ‘ग’ बाट एक जना संचालकको निर्वाचन गर्ने जनाएको छ। कोभिड १९ को महामारीको कारण होटल्सले भर्चुअल माध्यमबाट साधारणसभा गर्ने भएको छ।
साधारणसभा प्रयोजनका लागि होटल्सले माघ ३० गतेदेखि फागुन १४ गतेसम्म बुक क्लोज गर्ने भएको छ। माघ २९ गतेसम्म कायम शेयरधनीले प्रस्तावित लाभांस पाउनुका साथै साधारणसभामा भाग लिन पाउने छन्।
