काठमाडौं । बीमा समिति र सहरी विकास भवन निर्माण विभागबीच भवन निर्माण सम्बन्धी सम्झौता भएको छ । उक्त सम्झौतापत्रमा बीमा समितिका कार्यकारी निर्देशक राजुरमण पौडेल र सहरी विकास तथा भवन निर्माण विभागका महानिर्देशक ई. नवराज प्याकुरेलले हस्ताक्षर गरेका हुन् ।
नेपाल इन्जिनियरीङ अध्ययन संस्थानले २ वर्ष अगाडि तयार गरेको डिजाइन अनुसार भवन निर्माण सम्झौता भएकाको जनाएको छ । त्यसकारण अहिलेको मुल्य अनुसार लागत मुल्यमा समायोजन गर्ने गरी सम्झौता भएको हो । अहिलेको लागत मुल्य ७० करोडभन्दा बढी हुन आएमा बढेको रकम बीमा समितिले भवन निर्माण विभागलाई दिनु पर्ने समेत बताइएको छ ।
