काठमाडौं । हिमालयन डिष्टिलरीले चालु आर्थिक वर्षको दोस्रो त्रैमासको वित्तीय विवरण प्रकाशन गरेको छ । कम्पनीले चालु आर्थिक वर्षको दोस्रो त्रैमाससम्म आइपुग्दा नाफा ५६ दशमलव ५४ प्रतिशतले बृद्धि गर्न सफल भएको छ । यस अवधिसम्ममा कम्पनीले ३९ करोड ७६ लाख ४८ हजार रुपैयाँ आर्जन गर्न सफल भएको छ । गत वर्ष सोही अवधिमा कम्पनीले २५ करोड ४० लाख २० हजार रुपैयाँ नाफा कमाएको थियो ।
पुस मसान्तसम्म आइपुग्दा कम्पनीको मदिरा बिक्रीबाट हुने आम्दानी ३३ दशमलव ९२ प्रतिशतले बढेर १ अर्ब ४४ करोड ७७ लाख ८० हजार रुपैयाँ पुगेको छ । अघिल्लो वर्ष संस्थाले मदिरा बिक्रीबाट १ अर्ब ८ करोड १० लाख १९ हजार रुपैयाँ आम्दानी गरेको थियो ।
संस्थाको वार्षिक प्रतिसेयर आम्दानी ९१ रुपैयाँ ६६ पैसा र प्रतिसेयर नेटवर्थ १५६ रुपैयाँ ८३ पैसा रहेको छ ।
