काठमाडौं । आज शेयर बजार नेप्से सामान्य अंकले बढेको छ । आज नेप्से परिसूचक ३ दशमलव ७० अंकले बढेर २,२३९ दशमलव २३ को विन्दुमा कायम भएको छ । आज ट्रेडिङ, होटल्स, उत्पादनमुलक, माइक्रोफाइनान्स कम्पनी र अन्य उपसूचक घटेका छन् ।
आज २ सय ८ वटा कम्पनीको १ करोड ३५ लाख ६० हजार कित्ता शेयर किनबेच हुँदा ५ अर्ब ५२ करोडमाथिको शेयर कारोबार भएको छ । आज सबैभन्दा धेरै सिद्धार्थ बैंकको ४२ करोडमाथिको शेयर करोबार भएको छ । प्रभु बैंकको २५ करोडमाथिको शेयर कारोबार भएको छ । एनएमबि बेंक, सिभिल बैंक र नेशनल लाइफ इन्स्योरेन्स कम्पनीको १८ करोडमाथिको शेयर कारोबार भएको छ ।
