काठमाडौँ । नेपालमा थप ५ सय ५४ जनामा कोरोना भाइरसको संक्रमण पुष्टि भएको छ । यससँगै नेपालमा कोरोना भाइरसबाट संक्रमण हुनेको संख्या २ लाख ६४ हजार एक सय ५९ जना पुगेको स्वास्थ्य तथा जनसङ्ख्या मन्त्रालयले जनाएको छ ।
त्यसैगरी, शुक्रबार थप ५ सय ८५ जना डिस्चार्ज भएका छन् । यो सँगै कुल डिस्चार्ज हुनेको संख्या २ लाख ५७ हजार २ सय २९ जना पुगेको छ ।
त्यस्तै, शुक्रबार कोरोना संक्रमणबाट थप ६ जनाले ज्यान गुमाएका छन् । यो सँगै, नेपालमा कारोना संक्रमणबाट मृत्यु हुनेको संख्या एक हजार ९ सय ९ जना पुगेको स्वास्थ्य तथा जनसङ्ख्या मन्त्रालयले जनाएको छ ।
