काठमाडौं । नेपालमा थप ७ सय २२ जना कोरोना संक्रमण पुष्टि भएको छ । योसँगै देशभर कोरोना संक्रमितको कुल संख्या २ लाख ५५ हजार नाघेको मन्त्रालयले जनाएको छ ।
मंगलबार ९ सय ६६ जना डिस्चार्ज भएको स्वास्थ्य तथा जनसंख्या मन्त्रालयले जनाएको छ । हाल नेपालभर ७ हजार ७ सय २९ जना सक्रिय संक्रमित रहेका छन् भने ४ सय १३ जना क्वारेन्टिनमा रहेका छन् ।
आज थप ३ जना कोरोना संक्रमितको मृत्यु भएको छ। योसँगै कोरोना संक्रमणको कारण मृत्यु हनेको कुल सङख्या १ हजार ७ सय ९८ पुगेको छ।
