काठमाडौं । नेप्सेमा सूचिकृत लघुवित्त वित्तीय संस्थाहरुमध्ये हालसम्म ४ वटा संस्थाले मात्रै लाभांश घोषणा गरेका छन् । हालसम्म फरवार्ड माइक्रोफाइनान्स, स्वाबलम्बन लघुवित्त वित्तीय संस्था, आशा लघुवित्त वित्तीय संस्था र गुराँस लघुवित्त वित्तीय संस्थाले आफ्ना शेयरधनीलाई दिने लाभांश घोषणा गरेका हुन् ।
फरवार्ड माइक्रोफाइनान्सले गत वर्षको नाफाबाट आफ्ना शेयरधनीलाई कुल १४ प्रतिशत लाभांश वितरण गर्ने निर्णय गरेको छ । जसमध्ये १३ दशलमव ३ प्रतिशत बोनश शेयर वितरण गर्ने भएको छ भने ० दशलमव ७ प्रतिशत नगद लाभांश वितरण गर्नेछ । कम्पनीले साधारण सभा तथा लाभांश प्रयोजनका लागि बुक क्लोज मिति तय गरेको छैन् ।
स्वाबलम्वन लघुवित्त वित्तीय संस्थाले गत वर्षको नाफाबाट आफ्ना शेयरधनीलाई कुल १५ प्रतिशत लाभांश वितरण गर्ने भएको छ । जसमा १४ दशलमव २५ प्रतिशत बोनश शेयर दिने भएको छ भने ० दशलमव ७५ प्रतिशत कर प्रयोजनका लागि वितरण गर्नेछ । कम्पनीले साधारण सभा तथा लाभांश प्रयोजनका लागि बुक क्लोज मिति तय गरेको छैन् ।
आशा लघुवित्त वित्तीय संस्थाले कुल १५ प्रतिशत लाभांश वितरण गर्ने भएको छ । जसमध्ये १४ दशलमव २५ प्रतिशत बोनश शेयर वितरण गर्नेछ भने ० दशलमव ७५ प्रतिशत कर प्रयोजनका लागि नगद लाभांश वितरण गर्ने भएको छ । कम्पनीले साधारण सभा तथा लाभांश प्रयोजनका लागि बुक क्लोज मिति तय गरेको छैन् ।
गुराँस लघुवित्त वित्तीय संस्थाले गत वर्षको नाफाबाट कुल १५ प्रतिशत लाभा.श दिने भएको छ । जसमध्ये १५ दशलमव २५ प्रतिशत बोनश शेयर वितरण गर्नेछ भने ० दशलमव ७५ प्रतिशत कर प्रयोजनका लागि नगद लाभांश दिने भएको छ । कम्पनीले साधारण सभा तथा लाभांश प्रयोजनका लागि बुक क्लोज गरिसकेको छ ।
