काठमाडौं । स्वरोजगार लघुवित्त वित्तीय संस्था लिमिटेडले संस्थापक शेयर बिक्री गर्ने भएको छ । कम्पनीले केही संस्थापक शेयरधनीहरूको नाममा रहेको २९ हजार ७२१ कित्ता संस्थापक शेयर बिक्री गर्न लागेको हो ।
उक्त शेयर हाल कम्पनीका विद्यमान संस्थापक शेयरधनीहरूले मात्रै किन्न पाउनेछन् । यदी ३५ दिनभित्र संस्थापकले सो शेयर नकिनेको खण्डमा भने कम्पनीले सर्वसाधारणमा बिक्री खुला गरिने कम्पनीले जनाएको छ ।
उक्त शेयर किन्न ईच्छुक संस्थापकले आवश्यक पर्ने कागजात संलग्न गरी काभ्रेपलाञ्चोकको बनेपा–५ स्थित कम्पनीको केन्द्रीय कार्यालयमा निवेदन दिनु पर्नेछ ।
