काठमाडौं । नेप्सेले सिटिजन्स लाइफको शेयर कारोबार रोक्का गरेको छ । नेप्सेले आज मंगलबार देखि नै लागु हुने गरि कम्पनीको शेयर कारोबार अर्को सूचना प्रकाशन नभएसम्मको लागि रोकेको हो ।
सोमबार कम्पनीले अन्तरिम लाभांश घोषणा गरेको थियो। सो लाभांश बीमा प्राधिकरणले रद्द गर्न निर्देशन दिएको थियो। सो निर्देशन बमोजिम कम्पनीले मंगलबार घोषित लाभांश रद्द गरेको हो ।
धितोपत्र सूचीकरण विनियमावलीमा भएको व्यवस्था बमोजिम नेप्सेलाई गलत सूचना दिएमा वा पटक पटक सूचना परिवर्तन गरेमा नेप्सेले सूचीकृत संगठित संस्थाको सूचीकरण स्थगन गर्न सक्ने भन्ने व्यवस्था रहेको र कम्पनीले पटक पटक सूचना परिवर्तन गरेकोले उक्त विनियमावलीको विनियममा भएको व्यवस्था अनुरुप कारोबार रोक्का गरिएको नेप्सेले जनाएको छ।
लगानीकर्ताको हित र धितोपत्र कारोबारलाई स्वच्छ राख्नको लागि कारोबार स्थगन गरिएको नेप्सेले उल्लेख गरेको छ।
1715064752590 (1)
