काठमाडौं । शेयर बजार न्यून विन्दुमा आएसँगै कम्पनीहरुको शेयरमूल्य ५२ हप्ताकै न्यून विन्दुमा आउन थालेको छ । वर्ष २०८० को अन्तिम कारोबार दिनको तथ्यांकलाई आधार मान्दा सिंगटी हाइड्रो इनर्जीको शेयर मूल्य ५२ हप्ताको न्यून मूल्यमा नै रहेको छ । कम्पनीको ५२ हप्ताको न्यून मूल्य १७१ रहेकोमा कम्पनीको अन्तिम कारोबार दिनको मूल्य पनि त्यति नै रहेको छ ।
त्यस्तै दोस्रोमा नेपाल बैंकको ५२ हप्ताको न्यून मूल्य २११ रुपैयाँ रहेकोमा कम्पनीको बजार मूल्य २१२.५० रुपैयाँ रहेको छ । तेस्रोमा नेपाल इन्भेस्टमेन्ट मेगा बैंकको ५२ हप्ताको न्यून मूल्य १५५ रुपैयाँ रहेकोमा कम्पनीको बजार मूल्य १५६.२० रुपैयाँ रहेको छ ।
केही समयअघि वाणिज्य बैंकहरुको शेयरमूल्य ५२ हप्ताको न्यून मूल्यमा कारोबार हुने गरेकोमा अहिले भने केही हाइड्रोपावर कम्पनी पनि देखिएका छन् । वर्ष २०८० मा दुई सेक्टरको शेयरमूल्यमात्र घटेको हो । वाणिज्य बैंक र हाइड्रोपावरको परिसूचक घट्दा होटल तथा पर्यटन समूहको सूचक सर्वाधिक वृद्धि भएको हो ।
स्रोत : नेपाल स्टक एक्सचेन्ज (नेप्से)
