काठमाडौं। ज्योति विकास बैंक अन्तर्गतको ‘हाम्रो विकास प्रवर्द्धन कोष’ले नुवाकोटको विदुर नगरपालिका–५ देवीघाटस्थित शहिद जगत प्रकाशजंग शाह संस्कृत माध्यमिक विद्यालयलाई दुई थान इन्टरेक्टिभ (स्मार्ट) बोर्ड प्रदान गरेको छ । कार्यक्रममा संस्थाका संयोजक सुरेन्द्रबहादुर नेपालीले विद्यालयका प्रधानाध्यापक मञ्जु चित्रकारलाई सहयोग सामग्री हस्तान्तरण गरेका थिए ।
अन्तरक्रियात्मक सिकाइ विधिमार्फत विद्यालयमा अध्ययनरत विद्यार्थीमा सूचना प्रविधि सम्बन्धी शीप तथा धारणाको विकासका लागि सहयोग पुर्याउन उक्त सहयोग गरिएको बताइएको छ ।
कार्यक्रममा बैंक सञ्चालक समितिका सदस्य नरेशराज आचार्य, विद्यालय व्यवस्थापन समितिका अध्यक्ष मानबहादुर डंगोल लगायत बैंकका कर्मचारी, विद्यालयका कर्मचारी तथा विद्यार्थीको उपस्थिति थियो ।
