IME Life

नेपाल प्रहरीमा जवानदेखि खेलाडीसम्म नयाँ भर्ना खुल्यो, १ हजार ९५० जना माग

SPIL
Sanima Reliance
GBIME

काठमाडौं । नेपाल प्रहरीले जवानदेखि खेलाडीसम्म नयाँ भर्ना खुलाएको छ। प्रहरी प्रधान कार्यालयले आज एक सूचना प्रकाशित गरी कुल १ हजार ९५० जनाका लागि दरखास्त आह्वान गरेको हो।

नेपाल प्रहरीले खुला प्रतियोगिताद्वारा समावेशी प्रावधानबमोजिम पदपूर्ति गर्न दरखास्त आह्वान गरेको छ। जसअनुसार जवान पदमा १ हजार ८५६ जना तथा कार्यालय सहयोगीअन्तर्गत भान्छे ५३ जना, हजाम ७ जना, कुचीकार २० जना र खेलाडी १४ जनाका लागि भर्ना खुलाइएको छ। खेलाडीमा एथलेटिक्स, उसु, भारोत्तोलन, कराँते, तेक्वान्दो, जुडो, भलिबल, फुटबल, टेबल टेनिस र बक्सिङ विधामा दरखास्त खुलाइएको छ।

Crest

यी पदमा दरखास्त दिने म्याद फागुन २ गतेदेखि चैत ९ गतेसम्म तोकिएको छ। जवान र प्रहरी कार्यालय सहयोगी पदका लागि सातवटै प्रदेश प्रहरी तालिम केन्द्रमा र काठमाडौं उपत्यकाका तीन जिल्लासहित सबै जिल्ला प्रहरी कार्यालयहरुमा दरखास्त बुझाउन सकिन्छ।

खेलाडीहरुका लागि भने काठमाडौंको महाराजगन्जस्थित राष्ट्रिय प्रहरी प्रशिक्षण प्रतिष्ठानमा मात्र दरखास्त फारम बुझाउनुपर्नेछ।

प्रहरी जवान पदका लागि कम्तीमा ८ कक्षा उत्तीर्ण गरेको हुनुपर्नेछ भने १८ वर्ष पूरा भई २३ वर्ष ननाघेको हुनुपर्नेछ। कार्यालय सहयोगीका लागि साधारण लेखपढ गर्न जानेको र १८ वर्ष पूरा भई २५ वर्ष ननाघेको हुनुपर्नेछ।

इन्स्योरेन्स खबरको मोबाइल एप्स सार्वजनिक, यस्ता छन् सुविधा काठमाडौं।‌ इन्स्योरेन्स खबर डटकमले पाठकको सुविधाको लागि मोबाइल एप्स पनि सार्वजनिक गरेको छ। इन्स्योरेन्स‌ खबर एप्स एन्ड्रोइड फोनका लागि  गुगल...

प्रतिक्रिया दिनुहोस्

यो खबर पढेर तपाईंलाई कस्तो महसुस भयो ?

0%

खुसी

0%

दु :खी

0%

अचम्मित

0%

उत्साहित

0%

आक्रोशित

Vianet

सम्बन्धित समाचार

Insurance Khabar Mobile App Android and IOS