काठमाडौं । नागरिक स्टक डिलर कम्पनी लिमिटेडले पुस २० गते चौंथो वार्षिक साधारण सभा गर्ने भएको छ । मंसिर १८ गते बसेको कम्पनीको सञ्चालक समितिको बैठकले नागरिक लगानी कोष भवन, नयाँ बानेश्वर , काठमाडौंमा अपरान्ह ३ बजे सभा गर्ने निर्णय गरेको हो ।
सभाले गत आर्थिक वर्ष ०७९/८० को वार्षिक प्रतिवेदन सहितका वित्तीय विवरणहरू पारित गर्नुका साथै चालू आर्थिक वर्षको लागि लेखापरिक्षक नियुक्ती र निजको पारिश्रमिक निर्धारणको विषय टुङ्ग्याउनेछ ।
कम्पनीको गत असार २७ गतेको सञ्चालक समितिको बैठकले रित्त सञ्चालकको पदमा नियुक्त गरिएको सञ्चालकको अनुमोदन पनि सभाले गर्नेछ । कम्पनीको प्रबन्धपत्र संशोधन गर्ने प्रस्ताव रहेकाले संशोधनका लागि आवश्यक सम्पूर्ण जिम्मेवारी सञ्चालक समितिलाई दिने निर्णय सभाले पारित गर्नेछ ।
