काठमाडौं । शेयर बजार मंगलबार पनि दोहोरो अंकले ओरालो लागेर बन्द भएको छ।
नेप्से परिसूचक आज १०.१० अंकले घटेर १८३७.७१ को विन्दुमा झरेको हो। हिजोको तुलनामा कारोबार भने बढेर डेढ अर्ब रुपैयाँ माथिको भएको छ।
आज १ अर्ब ५४ करोड ४९ लाख ३५ हजार ४३८.३४ रुपैयाँको कारोबार भएको छ। आज सूचीकृत ६२ कम्पनीको शेयरभाउ बढेको छ भने १६१ वटाको घटेको छ। १४ वटा कम्पनीको शेयरभाउ स्थिर रहेको छ।
यो दिन सिंगटी हाइड्रोका शेयरधनीहरु मालामाल भए। यो कम्पनीको शेयरभाउमा १० प्रतिशतको बढोत्तरीका साथ सकारात्मक सर्किट लागेको छ।
आज विशाल बजार कम्पनीका शेयरधनीहरुले धेरै गुमाए। यो कम्पनीको शेयरभाउ ९.५३ प्रतिशतले घटेको छ।
