काठमाडौं । सोल्टी होटल लिमिटेडले चालू आर्थिक वर्षको पहिलो त्रैमासिक वित्तीय विवरण सार्वजनिक गरेको छ । उक्त वित्तीय विवरण अनुसार होटलले पहिलो त्रैमासमा १० करोड ३२ लाख नाफा कमाएको छ । कम्पनीको नाफा गत आर्थिक वर्षको पहिलो त्रैमासको तुलनामा ८ दशमलव ६८ प्रतिशत कम हो । उक्त अवधिमा होटलले ११ करोड २० लाख नाफा कमाएको थियो ।
गत आर्थिक वर्षमा होटलको आम्दानी ४१ करोड ३२ लाख आम्दानी भएकोमा चालू आर्थिक वर्षमा घटेर ३९ करोड ९६ लाखमा झरेको हो । त्यस्तै होटलको जगेडा कोष भने गत आर्थिक वर्षको तुलनामा चालू आर्थिक वर्षमा ३२ दशमलव ५७ प्रतिशत वृद्धि भएको छ ।
गत आर्थिक वर्षमा होटलले जगेडामा ९९ करोड ८७ लाख सञ्चिति रहेको थियो । यस चालू आर्थिक वर्षमा कम्पनीको जगेडा कोषमा रकम बृद्धि भई १ अर्ब ३२ करोड रुपैयाँ संचिती गरेको छ ।
त्यस्तै होटलको प्रतिशेयर आम्दानी (ईपीएस) घटेर १.१६ रुपैयाँ कायम भएको छ । गत आर्थिक वर्षमा होटलको प्रतिशेयर आम्दानी १ रुपैयाँ ३३ पैसा थियो । पिई रेशियो ३३९.७४ गुणा रहेको होटलको प्रतिशेयर नेटवर्थ २४ रुपैयाँ ९७ रुपैयाँ रहेको छ ।
