होटल फरेष्ट इनले डाक्यो विशेष साधारण सभा

काठमाडौं । होटल फरेष्ट इन लिमिटेडले कार्तिक ११ गते विशेष साधारणसभा गर्ने जनाएको छ । कम्पनीको असोज २३ गते बसेको संचालक समितिको बैठकले उक्त सभाको मिति तय गरेको हो । सभा लैनचौर ब्याङक्वटमा साझ ५ बजे गर्ने कम्पनीले जनाएको छ ।

कम्पनीले आइपीओ निष्काशन गर्ने विशेष प्रस्ताव पारित गर्नका लागि कम्पनीले सभा आब्हान गरेको हो । कम्पनीले काठमाडौंको बूढानीलकण्ठमा पाँचतारे स्तरको होटल सञ्चालनमा ल्याउने तयारी गरेको छ ।