काठमाडौं । पोखराको लेकसाइडमा अवस्थित चार तारे होटल बाराही ‘गेष्टरेभु ग्रेट अवार्ड’ को छनौट सूचीमा पर्न सफल भएको छ । विश्वका ३७ मुलुकका हजारभन्दा बढी होटलका पाहुनाले गरेको स्वतन्त्र मूल्यांकनका आधारमा ५० देखि ९९ कोठा भएका होटलहरुको श्रेणीमा होटल बाराही छनौट सूचीमा परेको हो ।
छनौट गरिएका होटलमध्ये उत्कृष्ट होटललाई आगामी २३ नोभेम्बरमा बेलायतको लण्डनस्थित गुड होटलमा आयोजना गरिने सम्मान समारोहका अवसरमा सम्मान गरिने भएको आयोजक गेष्टरेभुले जानकारी दिएको छ । गेष्टरेभुले गुगल रिभ्युज, बुकिङ डट कम र ट्रिप एडभाइजर डट कममा उपलब्ध पाहुनाहरुले गरेका मूल्यांकनका आधारमा होटलहरुको छनौट सूची तयार पारेको हो ।
