काठमाडौं । यस साता नेप्से परिसूचक १ दशमलव २५ प्रतिशतले घटेको छ । असोज १० गते अन्तिम दिन नेप्से परिसूचक १८ दशमलव ६० अंकले घटेर २००४ दशलमव ३० को विन्दुमा कायम भएको छ अधिल्लो साता नेप्से परिसूचक ४४ अंकले बढेर २०२९ दशमलव ७८ को विन्दुमा कायम भएको थियो । साताको अन्तिम कारोबार दिन सबै उपसूचक घटेका थिए । असोज १० गते जीवन बीमा उपसूचक ० दशलमव ८१ प्रतिशतले घटेको थियो ।
साताको अन्तिम कारोबार दिन असोज १० गते कारोबार भएका १० वटा जीवन बीमा कम्पनीमध्ये ४कम्पनीको शेयर मुल्य बढेको छ भने बाँकी सबैको मुल्य घटेको छ । यस साता एशियन लाइफ इन्स्योरेन्सको शेयर मुल्य १ रुपैयाँ ८० पैसाले बढेर ६८५ रुपैयाँ कायम भएको छ । एलआइसी नेपालको शेयर मुल्य सामान्य रुपमा बृद्धि भई १४ सय ११ रुपैयाँ कायम भएको छ । रिलायबल नेपाल लाइफको शेयर मुल्य १ रुपैयाँ ३० पैसाले बढेर ४७९ रुपैयाँ कायम भएको छ । सन नेपाल लाइफको शेयर मुल्य २ रुपैयाँ ९० पैसाले बढेर ४८१ रुपैयाँ कायम भएको छ ।
त्यस्तै, यस साता हिमालयन लाइफको शेयर मुल्य ७ रुपैयाँ ५० पैसाले घटेर ४२९ रुपैयाँ कायम भएको छ । आइएमई लाइफको शेयर मुल्य ५ रुपैयाँ ५० पैसाले घटेर ५३२ रुपैयाँ कायम भएको छ । नेपाल लाइफको शेयर मुल्य ७ रुपैयाँ ९० पैसाले घटेर ६८२ रुपैयाँ कायम भएको छ । नेशनल लाइफ इनस्योरेन्सको शेयर मुल्य १० रुपैयाँले घटेर ५७७ रुपैयाँ कायम भएको छ । सूर्यज्योति लाइफको शेयर मुल्य १० रुपैयाँ ७० पैसाले घटेर ५४४ रुपैयाँ कायम भएको छ । सानिमा रिलायन्स लाइफको शेयर मुल्य ४ रुपैयाँले घटेर ५०१ रुपैयाँ कायम भएको छ ।
