काठमाडौं । आर्थिक वर्ष २०८० /८१ को भदौ महिनासम्ममा दुई लघु निर्जीवन बीमा कम्पनीहरुले करिब ४ लाख रुपैयाँ कुल बीमा शुल्क आर्जन गरेका छन् । यी कम्पनीहरुले भदौ महिनासम्ममा कुल १०६ वटा बीमा पोलिसी विक्री गरी ३ लाख ९५ हजार कुल बीमा शुल्क आर्जन गर्न सफल भएका हुन् । जसमध्ये नेपाल माइक्रो इन्स्योरेन्स कम्पनीले भदौ महिनासम्ममा ६६ वटा पोलिसी विक्री गरी २ लाख ७६ हजार रुपैयाँ कुल बीमा शुल्क आर्जन गरेको छ । कम्पनीले भदौ महिनामा मात्रै ५४ वटा पोलिसी विक्री गरी २ लाख १३ हजार रुपैयाँ बीमा शुल्क आर्जन गरेको हो ।
त्यसैगरी प्रोटेक्टिभ माइक्रो इन्स्योरेन्स कम्पनीले भदौ महिनासम्ममा १ लाख १९ हजार रुपैयाँ कुल बीमा शुल्क आर्जन गरेको छ । कम्पनीले ४१ वटा पोलिसी विक्री गरी उक्त बीमा शुल्क आर्जन गरेको छ । भदौ महिनामा मात्रै कम्पनीले ३३ वटा बीमा पोलिसी विक्री गरी ८७ हजार रुपैयाँ बीमा शुल्क आर्जन गरेको छ ।
