काठमाडौं । गत असार २२ गतेदेखि कारोबार संचालन गरेको गार्डियन माइक्रो लाइफ इन्स्योरेन्स कम्पनीले लघु बीमा सम्बन्धी तीन दिने आधारभुत बीमा अभिकर्ता तालिम सम्पन्न गरेको छ । कम्पनीले उक्त तालिम असोज ४ गतेगतेदेखि संचालन गरी आज असोज ६ गते भव्यताका साथ सम्पन्न गरेको हो । उक्त तालिम स्याङ्जा पुतलीबजार नगरपालिकामा सम्पन्न भएको हो ।
उक्त तालिममा ३५ जना प्रशिक्षार्थीहरूको उपस्थिती रहेको थियो । कम्पनीले लघु बीमा व्यवसाय अभिवृद्धिका साथै स्वरोजगारको अवसर सृजना गर्ने उद्देश्यका साथ उक्त तालिम संचालन गरेको हो ।
कार्यक्रमको संचालन गार्डियन माइक्रो इन्स्योरेन्सकी ब्रान्च म्यानेजर राम माया अधिकारीले गरेकी हुन् । तालिम प्रशिक्षकमा क्षेत्रयि प्रबन्धक प्रकाश लामिछानेले गरेका हुन् । उक्त तालिम नेपाल बीमा प्राधिकरणले लघु बीमा कम्पनीहरुलाई तोकेको मापदण्ड अनुसार संचालन गरिएको कम्पनीले जनाएको छ ।
तालिम प्रशिक्षक क्षेत्रयि प्रबन्धक प्रकाश लामिछानेले लघु बीमाको परिचय, लघु बीमा व्यवसायको बर्तमान अवस्था र चुनौति देखि यस क्षेत्रको विकास र विस्तारको साथै बीमाको विभिन्न पोर्टफोलिओ, अभिकर्ताले बीमा क्षेत्रमा खेल्नुपर्ने भुमिका लगायत बीमा सम्बन्धीका विषयमा प्रशिक्षण दिएका थिए ।
