काठमाडौं । आज भदौ १४ गते सरकारले देशभर सार्वजनिक बिदा दिने भएको छ । रक्षाबन्धन, जनै पूर्णिमा (ऋषि तर्पणी) पर्वको अवसरमा देशभर सार्वजनिक बिदा दिने सरकारले निर्णय राजपत्रमा २०७९ चैत्र २ गते प्रकाशित वार्षिक बिदा सम्बन्धी सूचनामार्फत् नै गरिएको हो ।
जनैपूर्णिमाको दिन पुरानो जनै फेरेर नयाँ लगाउने तथा हातमा रक्षा शुत्र बाँध्ने चलन रहँदै आएको छ। यसैगरी तराई तिर दिदीबहिनीले आफ्नो दाजुभाइलाई पूजा गरी हातमा राखी अर्थात् रक्षा बन्धन बाँधेर दीर्घायूको कामना गर्दै यो पर्व मनाउछन् ।
