काठमाडौं । पछिल्लो समयमा बीमा प्रतिको नागरिक चासो बढिरहेको छ । अहिले मानिसहरुले बिभिन्न अवसरहरु जस्तै जन्मदिन, पास्नी, बिवाह र अन्य धेरै शुभ अवसरहरुमा बीमालेख उपहार दिने गरेका छन् । अन्य जिन्सी सामान उपहार दिनुभन्दा यस्को छुट्टै महत्व रहने भन्दै मानिसहरुले बीमा पोलिसी उपहार दिने प्रचलन ल्याएका हुन् । यसै सन्दर्भमा ईटहरी १७, सुनसरीका एक दम्पतिले छोराको अन्न प्रासनको शुभ अवसर पारेर भदौ ०४ गते नेपाल लाइफ इन्स्योरेन्स कम्पनिको २० लाखको बीमा पोलिसी उपहार स्वरुप दिएका छन् ।
दम्पति रोशन कार्की र सबिता खनालले छोरा अन्वीक्षण कार्कीको अन्न प्रासन (पास्नी) को अवसर पारेर नेपाल लाइफ इन्स्योरेन्स कम्पनिको नौलो केटाकेटी जिवन बीमा पोलिसी उपहार दिएका हुन् । कम्पनीले बजारमा ल्याएको नौलो केटाकेटी जिवन बिमा पोलिसीमा भविष्यको लागि दिगो बचत साथै बच्चा र हकवाला समेतको जोखिम व्यावस्थापन गर्ने जानकारी दिदै धनकुटा शाखा प्रमुख निमेन्द्र लिम्बुले नानीको उज्ववल भविष्यको कामना साथै बीमाबाट आउने रकमले भविष्यमा बच्चाको उच्च शिक्षाका लागि ठुलो सहयोग गर्नेे बताए ।
उनले प्रत्येक जिम्मेवार नागरिकले आफ्नो र आफ्नो परिवारको सदस्यहरुको जीवन बीमा गर्नुपर्नेमा पनि जोड दिए । अन्न प्रासनको अवसर पारेर नेपाल लाइफ इन्स्योरेन्स कम्पनि धनकुटा शाखामा आवद्द कम्पनीका व्यावसायीक संयोजक पुष्कर खनालले दम्पतिलाई पोलिसी फाइल हस्तान्तरण गरे ।
