काठमाडौं । आज साताको पहिलो दिन शेयर बजारमा गिरावट आएको छ । आज आज शेयर बजार नेप्से परिसूचक २१ दशमलव ९९ अंकले घटेर २,०११ दशमलव १४ को विन्दुमा कायम भएको छ । आज २९ वटा कम्पनीको शेयर मुल्य बढेको छ भने १९० कम्पनीको शेयर मुल्य घटेको छ ।
आज सबैभन्दा धेरै फरवार्ड माइक्रोफाइनान्सका लगानीकर्ताले कमाएका छन् । आज यस कम्पनीका लगानीकर्ताले ४ दशमलव ५७ प्रतिशतका दरले कमाएका हुन् । आरएसडिसी लघुवित्त वित्तीय संस्थाका लगानीकर्ताले ४ प्रतिशतका दरले कमाएका छन् । सानिमा लार्ज क्याप फण्डका इकाईधनीले ३ दशलमव ९७ प्रतिशतका दरले कमाएका हुन् ।
आज सबैभन्दा धेरै कृषि विकास बैंक २०८३ का इकाईधनीले गुमाएका छन् । आज यसका इकाईधनीले १० प्रतिशतका दरले गुमाएका हुन् । अपर साँगे हाइड्रोका लगानीकर्ताले ९ दशलमव ०२ प्रतिशतका दरले गुमाएका हुन् ।
