काठमाडौं । आज पनि शेयर बजारमा दोहोरो अंकको गिरावट आएको छ । आज शेयर बजार नेप्से परिसूचक २० दशमलव ३१ अंकले घटेर २,०२५ दशमलव १२ को विन्दुमा कायम भएको छ । आज ३४ कम्पनीको शेयर मुल्य बढेको छ भने आज १८५ कम्पनीको शेयर मुल्य घटेको छ । हिजो पनि घटेको बजारमा आज पनि गिरावट नै कायम भएको हो ।
आज सबैभन्दा धेरै सनराइज फोकस्ड इक्विटी फण्डका इकाईधनीले कमाएका छन् । आज यस फण्डका इकाईधनीले ४ प्रतिशतका दरले कमाएका हुन् । बलेफि हाइड्रोपावरका इकाईधनीले ३ दशमलव ९९ प्रतिशतका दरले कमाएका छन् । स्वरोजगार लघुवित्तका लगानीकर्ताले ३ दशमलव ७७ प्रतिशतका दरले कमाएका हुन् ।
आज माउन्टेन हाइड्रोपावर नेपालका लगानीकर्ताले गुमाएका छन् । आज कम्पनीका लगानीकर्ताले ८ प्रतिशतका दरले गुमाएका हुन् ।
