काठमाडौं । पेट्रोल र डिजेलको मूल्य वृद्धि भएको छ । मंगलबार राति बसेको निगम सञ्चालक समिति बैठकले डिजेल र मट्टितेलमा प्रतिलिटर १४ र पेट्रोल लिटरमा ५ रुपैयाँले बढाएर मूल्य समायोजन गरेको हो ।
अब पेट्रोलको उपभोक्ता मूल्य प्रतिलिटर १७५ रुपैयाँ र डिजेल तथा मट्टितेलको मूल्य १६४ रुपैयाँ ५ पैसा प्रतिलिटर कायम भएको छ । भारतीय आयल निगमले मंगलबार पठाएको नयाँ मूल्य सूची अनुसार पेट्रोल ३ रुपैयाँ ८५ पैसा र डिजेलमा ११ रुपैयाँ २४ पैसा वृद्धि भएर आएको थियो ।
