काठमाडौं । अप्पर लोहोरे खोला हाइड्रोपावरको आइपीओ बाँडफाँड सम्पन्न भइसकेको छ । तर आइपीओ नतिजा भने केही समयपछि मात्रै हेर्न सकिने बिक्री प्रबन्धक एनआइसी एशिया क्यापिटलले जनाएको छ । आइपीओ नतिजा सार्वजनिक भएपछि विभिन्न तरिकाट बाट हेर्न सकिन्छ ।
सीडीएसले आइपीओको नतिजा हेर्न बनाएको वेबसाइटःiporesult.cdsc.com.np/ ,बिक्री प्रबन्धकको वेबसाइट: https://www.nicasiacapital.com/ , मेरो शेयर एप: https://meroshare.cdsc.com.np/#/login बाट हेर्न सकिन्छ ।
कम्पनीको आइपीओमा १२ लाख ८३ हजार ५९६ जना योग्य आवेदकबाट १ करोड ४१ लख १७ हजार ८५० कित्ता शेयरको लागि आवेदन परेको छ । कम्पनीको शेयरमा माग भन्दा बढी आवेदन परेकोले धितोपत्र निष्काशन तथा बाँडफाँड निर्देशिका अनुसार गोलाप्रथा माध्यमबाट न्युनतम १० कित्ताका दरले शेयर वितरण भएको छ ।
त्यस अनुसार योग्य आवेदक मध्ये १ लाख ९५ हजार ३२७ जनालाई १० कित्ताका दरले १९ लाख ५३ हजार २७० कित्ता शेयर वितरण गरिएको छ ।बाँकी रहेको ९ कित्ता शेयर भने २० देखि २५ हजार कित्तासम्म आवेदन दिएकाहरुलाई थप १ कित्ताका दरले वितरण गरिएको छ । त्यस अनुसार भाग्यमानी ९ जना आवेदकले ११ कित्ताका दरले शेयर पाएका छन् ।
