काठमाडौं । नबिल बैंक लिमिटेडले ४ लाख ८२ हजार ८०८ कित्ता संस्थापक शेयर बिक्रीमा ल्याएको छ । बैंकका संस्थापक शेयरधनीहरुको नाममा रहेको शेयर बिक्रीमा ल्याएको बैंकले जनाएको छ ।
बैंकको संस्थापक शेयर विद्यमान संस्थापक शेयरधनीले मात्रै खरिद गर्ने गरी विक्रीमा ल्याएको बैंकले जनाएको छ । उक्त शेयर खरिद गर्न इच्छुक विद्यमान संस्थापक शेयरधनीले सूचना प्रकाशित मिति साउन २३ ले ३५ दिनभित्र खरिद गर्न चाहेको शेयर परिणाम समेत खुलाई बैंकको शेयर रजिष्ट्रारको नबिल इन्भेष्टमेन्ट बैंकिङ्ग, नक्साल, काठमाडौंमा खरिद आवेदन दिन सकिने छ ।
शेयरको बिक्री मूल्य बिक्रेताले तोके बमोजिम हुने बैंकले जनाएको छ । बैंकले तोकेको समयभित्र विद्यमान संस्थापकहरुबाट आवेदन नपरेमा अन्य ब्यक्ति वा संस्थालाई शेयर बिक्री गरिने बैंकले जनाएको छ ।
