काठमाडौं । मौद्रिक नीतिपश्चात् एक दिन बजार सामान्य बढेपनि बजार निरन्तर घटेको छ । साताको तेश्रो कारोबार दिन पनि नेप्से २८ दशमलव ५९ अंक घट्दै २०७७ दशमलव ५८ विन्दुमा बन्द भएको छ । मौद्रिक नीति सार्वजनिक भएको दिन २२०० माथि बन्द भएको बजार घट्दै २१०० तल आएको छ ।
कहाँ निर पाउन सक्ला सपोर्ट ?
प्राविधिक चार्ट हेर्दा बजारले २०५० को क्षेत्रमा सपोर्ट पाउने सम्भावना छ । जुन २०२३ को अन्त्यतिर तिर बजारले २२०० नजिक पुग्दा यो क्षेत्रमा केही समय टेस्ट गरेर बजार माथि लागेको थियो र त्यसपछि बजार २२०० को क्षेत्रबाट घटेर २०५० को क्षेत्रमा सपोर्ट लिदैं मौद्रिक नीति सार्वजनिक भएको दिन २२०० को विन्दुसम्म पुगेको थियो । यसरी हेर्दा बजारले यो क्षेत्रमा सपोर्ट पाउने सम्भावना छ ।
अर्को सपोर्ट कहाँ ?
यो सपोर्टमा पनि बजार टिक्न नसकेको अवस्थामा बजारले १९७५ को क्षेत्रमा सपोर्ट पाउने सम्भावन छ ।
चार्ट श्रोत : नेप्से अल्फा
