काठमाडौं । एनआईसी एशिया क्यापिटल लिमिटेडले ४६ प्रतिशत लाभांश वितरण गर्ने प्रस्ताव गरेको छ । क्यापिटलले उक्त लाभांश पारितका लागि सातौँ वार्षिक साधारण सभा साउन ३२ गते गर्ने निर्णय गरेको छ । क्यापिटलको साउन ९ गते बसेको संचालक समितिको बैठकले लाभांश प्रस्ताव पारित गर्न सभाको मिति तय गरेको हो ।
उक्त वार्षिक साधारण सभाबाट आर्थिक वर्ष २०७९ /०८० को सञ्चालक समितिको वार्षिक प्रतिवेदन छलफल गरि पारित गर्ने तथा संचालक समितिले प्रस्ताव गरे बमोजिम चुक्ता पूँजीको ४६ प्रतिशत (कर सहित) का दरले हुन आउने रु. ९ ,२०,००,००० (अक्षरेपी नौ करोड बीस लाख मात्र) नगद लाभांश वितरण गर्ने प्रस्ताव सभामा पेश हुने क्यापिटलले जनाएको छ ।
