काठमाडौं । शेयर बजार नेप्शे परिसूचक ९ दशमलव ९१ ले बृद्धि हुँदा २१५४ दशमलव ०७ को विन्दुमा कायम भएको छ । आज कुल ३ अर्ब ५४ करोड ८८ लाख २९ हजार रुपैयाँको शेयर कारोबार हुँदा बिपिडब्लु लघुवित्त वित्तीय संस्था लिमिटेडका शेयरधनीले सर्वाधिक कमाएका छन् । आज कम्पनीको शेयरमा सकारात्मक सर्किट लागेको छ भने प्रति शेयर मुल्य १ हजार ३५५ रुपैयाँ कायम भएको छ ।
यसैगरी आज युनाइटेड अजोड इन्स्योरेन्सको शेयर ९ दशमलव ९९ प्रतिशतले बृद्धि हुँदा प्रति शेयर मूल्य ५९२ रुपैयाँ कायम भएको छ । साथै आज शुभम पावरको शेयर ८ दशमलव ८९ प्रतिशतले बृद्धि हुँदा प्रति शेयर मूल्य ८८२ रुपैयाँ कायम भएको छ ।
