काठमाडौं । नयाँ ब्रोकरहरुले आजदेखि शेयर कारोबार शुरु गरेका छन् । सात वटै ब्रोकरले खरिद मात्रै गरेका छन् । एक सातादेखि लगातार कम ट्रेडिङ मात्रै गर्दै आएका नयाँ ब्रोकरले आज भने वास्तविक रुपमै शेयर खरिद गरेका हुन् । उनिहरुलाई शेयर बिक्रीको अधिकार भने दिइएको छैन । सबैले एक दुई वटा कारोबार मार्फत खरिद गर्न पाएका छन् । यसरी सात वटाले कारोबार शुरु गरे सँगै बजारमा १६ वर्ष पछि नयाँ ब्रोकरको प्रवेश भएको छ र
आज भोले गणेश सेक्युरिटिज अर्थात ब्रोकर नम्बर ६१ ले ब्रोकर नम्बर ६१ ले आज अपि पावरको दुई वटा कारोबार गरेको छ । ब्रोकरले अपि पावरको जम्मा २० कित्ता शेयर ४ हजार ५ रुपैयाँमा खरिद गरेको हो ।
त्यस्तै क्यापिटल म्याक्स सेक्युरिटिज अर्थात ब्रोकर नम्बर ६२ ले नेपाल एसबिआइ बैंकको १० कित्ता शेयर खरिद गरको छ । हिमालयन ब्रोकरेज कम्पनी अर्थात ब्रोकर नम्बर ६३ ले हिमालयन लाइफको १० कित्ता शेयर खरिद गरेको छ ।
सन सेक्युरिटिज अर्थात ब्रोकर नम्बर ६४ ले शुभम पावरको २० कित्ता शेयर खरिद गरेको छ । शेयर प्रो सेक्युरिटिज अर्थात ब्रोकर नम्बर ६५ ले स्ट्याण्डर्ड चार्टर्ड बैंकको १० कित्ता र सोल्टी होटलको १०० कित्ता शेयर खरिद गरेको छ
ब्रोकर नम्बर ६६ अर्थात मियो सेक्युरिटिजले स्ट्याण्डर्ड चार्टर्डको २० कित्ता शेयर खरिद गरेको छ । र ब्रोकर नम्बर ६७ अर्थात प्रोपर्टी विजार्डले एशियन लाइफको २० कित्ता शेयर खरिद गरेको छ । सबैले ट्रायलको रुपमा खरिद गरेका हुन् । आइतबारदेखि भने उनिहरुले फुल फ्लेजमा खरिद बिक्री गर्ने छन् ।
