काठमाडौं । एकै दिन प्रणालीमा २० अर्बले निक्षेप वृद्धि भएको छ । नेपाल राष्ट्र बैंकले प्रदान गरेको तथ्यांक अनुसार प्रणालीमा असार २४ गते सो बराबरको निक्षेप वृद्धि भएको हो । निक्षेप वृद्धि भएर ५७ खर्ब १५ अर्ब पुगेको छ । कर्जा प्रवाह भने स्थिर रहेको छ ।
निक्षेप आक्रामक रूपमा वृद्धि हुँदा र कर्जा स्थिर रहँदा सिडी रेसियो ८२ दशमलव ०३ प्रतिशतमा आएको छ । ९० प्रतिशतसम्म सिडी रेसियो कायम हुने व्यवस्था बमोजिम प्रणालीमा अहिले तरलता निकै धेरै रहेको छ । प्रणालीमा तरलता धेरै हुँदा र बैंकको लागत त्यही हिसाबले वृद्धि हुँदा ब्याज दर घट्ने सम्भावना रहेको छ ।
