काठमाडौं । आइएमई लाइफ इन्स्योरेन्सले पहिलो चरणको आइपीओ बाँडफाँड सम्पन्न गरेको छ । कम्पनीले पहिलो चरणमा वैदेशिक रोजगारीमा रहेका नेपालीहरुका लागि निष्काशन गरेको आइपीओ आज बाँडफाँड गरेको हो । उक्त आइपीओ बिक्री प्रबन्धक सिभिल क्यापिटलले बाँडफाँड गरेको हो ।
क्यापिटलका अनुसर आइपीओमा कुल २२ हजार ४ सय ४४ जनाको आवेदन परेको थियो । जसमध्ये २२ हजार ४ सय ३६ जना आवेदक शेयर पाउन योग्य भएका छन् । आइपीओमा ८० कित्तासम्मको लागि आवेदन दिने लगानीकर्ताले माग गरे बमोजिम शेयर पाएका छन् ।
त्यस्तै ८० कित्तादेखि १० हजार कित्तासम्मको लागि आवेदन दिने ७ हजार ५ सय २३ जनाले समान ८० कित्ताको दरले शेयर पाएका छन् भने १ हजार ४ सय ८९ जनाले गोलाप्रथाबाट थप १० कित्ताका दरले शेयर पाएका छन् ।
कम्पनीले असार १ गतेदेखि वैदेशिक रोजगारमा रहेको नेपालीहरुको लागि आइपीओ विक्री गरेको थियो । कम्पनीले प्रतिशेयर १०० रुपैयाँ अंकित मूल्यमा १३६ रुपैयाँ ९१ पैसा प्रिमियम थप गरी प्रतिशेयर कुल २३६ रुपैयाँ ९१ पैसामा शेयर बिक्रीमा ल्याएको थियो । सर्वसाधारणका लागि भने कम्पनीले भोलि असार २० गतेदेखि आइपीओ विक्र गर्नेछ ।
