काठमाडौं । नयाँ सारथी लघुवित्त वित्तीय संस्था र विजय लघुवित्तलाई नेपाल राष्ट्र बैंकले मर्जरको लागि अन्तिम स्वीकृति प्रदान गरेको छ । राष्ट्र बैंकले असार १५ गते यी दुई लघुवित्त वित्तीय संस्थालाई मर्जरको लागि अन्तिम स्वीकृति प्रदान गरेको हो ।
यी दुई लघुवित्तले मर्जरको लागि अन्तिम स्वीकृति पाएसँगै अब एकिकृत कारोबार गर्नेछन् । यी दुई लघुवित्त एक भई विजय लघुवित्तको नामबाट एकिकृत कारोबार सुरु गर्न लागेका हुन् । अब यी दुई लघुवित्तले एक महिनाभित्रमा एकिकृत कारोबार गर्नुपर्नेछ ।
नयाँ सारथी लघुवित्तको केन्द्रिय कार्यालय काभ्रेको धुलिखेलमा रहेको छ भने विजय लघुवित्तको केन्द्रिय कार्यालय नवलपरासीको गैडाकोटमा रहेको छ । अब मर्जरपछि बन्ने विजय लघुवित्तको केन्द्रीय कार्यलय धुलिखेलमा रहने जनाइएको छ ।
यी दुई लघुवित्त वित्तीय संस्था १ः१ को स्वाप रेसियोमा मर्ज भएका हुन् । यी दुई लघुवित्त वित्तीय संस्थाबीच मंसिर २७ गते मर्जरको लागि सम्झौतापत्रमा हस्ताक्षर गरेका थिए ।
1688215464460
