बिर्तामोड । आइएमई लाइफका कोसी प्रदेश प्रमुख मिलन दाहालले आफ्नो जन्मदिनमा ज्येष्ठ नागरिकलाई खाना खुवाएर मनाएका छन् । उनले जन्मदिनमा केक काट्ने, साथीभाइ बोलाएर भोज खुवाउने, घुम्न जाने, मासु, रक्सी आदि खाएर गर्ने विलासी खर्चलाई कटौती गरी जन्मदिनमा बुढा भएका बुबा आमालाई खाना खुवाएर जन्म दिन मनाएका हुन् ।
कनकाई १ निवासी दाहालले बिर्तामोड स्थित हाम्रो साझा घरका ज्येष्ठ नागरिकहरूलाई असार ७ गते बेलुकाको खाना खुवाएका हुन् । कम्पनीका बिर्तामोड शाखा प्रमुख महेन्द्र तिम्सिना, कर्मचारीहरू विनिशा खतिवडा, अस्मिता नेउपाने लगायतको उपस्थितिमा हाम्रो साझा घरमै उपस्थित भएर कम्पनीले भोजन गराएको हो ।
कार्यक्रममा एजेन्सीहरू याम राई, इभन लुइँटेल तथा गङ्गाराम गड्तौलाको समेत उपस्थिति थियो । २०६६ सालमा परोपकार तथा अनुसन्धान केन्द्र, वृद्धाश्रमका रूपमा स्थापना भएको संस्था हाल हाम्रो साझा घर नाममा सञ्चालित छ । संस्थामा हाल ३५ बढी ज्येष्ठ नागरिक बसोबास गर्दै आएका छन् ।
