काठमाडौं । प्रभु लाइफ र महालक्ष्मी लाइफ इन्स्योरेन्स कम्पनीले मर्जर पछि बन्ने प्रभु महालक्ष्मी लाइफ इन्स्योरेन्स कम्पनीको लोगो सार्वजनिक भएको छ । नेपाल बीमा प्राधिकरणले जेठ २९ गते मर्जरका लागि अन्तिम स्वीकृति प्रदान गरे सँगै कम्पनीले ब्राण्डिङका लागि नयाँ लोगो समेत सार्वजनिक गरेको हो ।
लोगोमा ब्राण्डिङ रङ प्रभु लाइफकै रातो रङ्गलाई प्रयोग गरिएको छ । प्रभुको लोगो भित्र महालक्ष्मीको लोगोलाई राखेर एक आपसमा अपनत्वको भावना दर्साइएको छ ।
कम्पनीले यहि असार २९ गते एकिकृत कारोबार गर्ने गरी दुबै कम्पनीको संयुक्त मर्जर समिति, संचालक समिति र व्यवस्थापन समूह तयारीमा लागि सकेका छन् ।
प्रभु लाइफ र महालक्ष्मी लाइफको देशै भरी १६७ शाखा उपशाखा सञ्चालनमा रहनेछन् भने ४४९ कर्मचारीको संख्या रहने कम्नपीले जनाएको छ । प्रभु लाइफको बोनस शेयर जारी पछि दुबै कम्पनीको चुक्ता पूँजी ४ अर्ब २९ करोड पुग्नेछ । बीमा प्राधिकरणले तोकेको ५ अर्ब रुपैयाँ चुक्ता पूँजी जुटाउनका लागि एकिकृत कारोबार पछि ९० लाख कित्ता एफपिओ जारी गर्ने भएको छ ।
