काठमाडौं । बैंकहरुले असार महिनाका लागि आधार व्याजदर र कर्जाको व्याजदर दुबै घटाएका छन् । बैंकहरुले असार महिनाका लागि सार्वजनिक गरेको व्याजदर अनुसार ०.०२ प्रतिशत विन्दुदेखि ०.२४ प्रतिशतले घटाएका छन् ।
बाणिज्य बैंकहरु मध्ये सर्वाधिक कम आधार व्याजदर राष्ट्रिय बाणिज्य बैंकको रहेको छ । राष्ट्रिय बाणिज्य बैंकको आधार व्याजदर ८.४४ प्रतिशत छ । सर्वाधिक धेरै माछापुच्छ्रे बैंकको ११.१३ प्रतिशत रहेको छ । बैंकहरुको आधार व्याजदर गएका महिनाको भन्दा घटिरहेको छ ।
बैंकहरुले गएको फागुन चैत महिनादेखि नै निक्षेपको व्याजदर घटाउन सुरु गरेका थिए । गत चैतमा घटाएको व्याजदरको प्रभाव बल्ल बैंकिङ प्रणालीमा देखा पर्दैछ । नयाँ कर्जा प्रवाह नहुँदा बैंकहरुमा तरलता थुप्रिदै जान थालेको छ । कहिले कर्जा अधिक प्रवाह हुने कहिले ठप्प हुने श्रृङ्खलाले पनि ऋणीहरु समस्यामा पर्दै आइरहेका छन् ।
नेपाल राष्ट्र तथा सरकारले व्याजदरमा स्थिरता ल्याउने गरी कुनै पनि नीतिगत व्यवस्था गर्न सकेको छैन । खुला अर्थतन्त्रको बहानामा बैंक वित्तीय संस्थाको व्याजदर एकै वर्षमा ठुलो उचारचढाव देखिने गरेको छ । कर्जा प्रवाह नहुँदा जस्ता सुकै क्षेत्रमा कर्जा दिने अनि अलिकति टाइट हुँदै जान थाले पछि दर बढाउने बजारको प्रवृत्तीले पनि आम लगानीकर्ताहरु समस्यामा छन् ।
आर्थिक विकासका लागि बैंक व्याजदर सबैभन्दा प्रमुख तत्व हो । व्याजदर घट्ने वित्तीकै आर्थिक गतिविधि बढ्छ । र आर्थिक बृद्धिदरमा टेवा पुग्दछ । तर नेपालमा कर्जा माग नहुँदा निक्षेपको व्याजदर घटाउन ज्यान दिएर लाग्ने अनि तरलता नहुँदा निक्षेपको व्याजदर बढाएर निक्षेप खोसा खोस गर्ने अस्वस्थ प्रतिस्पर्धा पनि सर्वाधिक घाटत कारण हो ।
कुन बैंकको आधार व्याजदर कति ?
