काठमाडौं । लेखापरीक्षण पछि रिलायबल नेपाल लाइफ इन्स्योरेन्स कम्पनीको मुनाफा ३४ करोड २४ लाख रुपैयाँ पुगेको छ । कम्पनीले सार्वजनिक गरेको गत आर्थिक वर्षको चौथो त्रैमाशिक अवधिको अपरिष्कृत वित्तीय विवरणमा २७ करोड ४८ लाख रुपैयाँ थियो ।
लेखापरीक्षण प्रतिवेदन अनुसार कम्पनीले यस भन्दा अगाडीको आर्थिक वर्षमा २४ करोड ७२ लाख रुपैयाँ मुनाफा आर्जन गरेको थियो । त्यस्तै २०७६/७७ मा २३ करोड ८८ लाख रुपैयाँ, २०७५/७६ मा ५ करोड ४० लाख र पहिलो वर्ष २०७४/७५ मा ३ करोड ३४ लाख रुपैयाँ मुनाफा आर्जन गरेको थियो ।
यसरी अपरिष्कृत वित्तीय विवरणको तुलनामा मुनाफा २४ प्रतिशतले बढेको हो । प्रतिशेयर आम्दानी पनि २४ रुपैयाँ नै रहेको छ । कम्पनीको चुक्ता पूँजी एक अर्ब ४० करोडका बधारमा उक्त प्रतिशेयर आम्दानी गणना गरिएको हो । कम्पनीले संस्थापक शेयरधनीहरु सँग हकप्रद शेयर निष्काशन गरेर चुक्ता पूँजी बढाइसकेको छ । कम्पनीको कुल नेटवर्थ २ अर्ब २७ करोड रुपैयाँ रहेको छ । यस आधारमा प्रतिशेयर बुक भ्यालु १६२ रुपैयाँ छ ।
