काठमाडौं । सानिमा जिआइसीका प्रमुख कार्यकारी अधिकृत सुद्युम्न प्रसाद उपाध्यायले साविक सानिमा जनरल इन्स्योरेन्स कम्पनीबाट ६३ लाख ४२ हजार रुपैयाँ तलब सुविधा प्राप्त गरेका छन् । उनले गत आर्थिक वर्ष २०७८/७९ मा उपाध्यायले वार्षिक तलब सुविधा बापत ४८ लाख रुपैयाँ बुझेका थिए । यस भन्दा अघिल्लो आर्थिक वर्षमाको उनको यस्तो तलब सुविधा ३४ लाख ५६ हजार थियो । मर्जर पछि उपाध्यायको वार्षिक तलब सुविधामा बृद्धि गरिएको छ ।
त्यस्तै नियम अनुसार कर्मचारी बोनस बापत ५ लाख ५४ हजार, विभिन्न सुविधा बापत ६ लाख ८८ हजार र जीवन बीमाको प्रिमित बापत तीन लाख रुपैयाँ प्राप्त गरेका हुन् । साविक सानिमा र जिआइसी इन्स्योरेन्स कम्पनी मर्जर भएर सानिमा जिआइसी भएका छन् । मर्जर पछि कम्पनीले गत आर्थिक वर्षको लेखापरीक्षण प्रतिवेदन छुट्टा छुट्टै तयार पारेका छन् ।
त्यस्तै साविक जिआइसीका प्रमुख कार्यकारी अधिकृत रामचन्द्र श्रेष्ठको वार्षिक तलब सुविधा भने निकै कम रहेको छ । श्रेष्ठ सानिमा जिआइसीको भने वरिष्ठ नायव प्रमुख कार्यकारी अधिकृतमा कार्यरत छन् । उनले साविक जनरल इन्स्योरेन्स कम्पनीबाट वार्षिक ३९ लाख ५ हजार रुपैयाँ तलब सुविधा प्राप्त गरेका थिए ।
