काठमाडौं । नेपाल लाइफ इन्स्योरेन्स कम्पनीका अभिकर्ताले बीमित सँग प्रिमियम संकलन गरी बीमा कम्पनीमा नबुझाएको पाइएको छ । नेपाल लाइफका अभिकर्ता तथा एजेन्सी म्यानेजर सन्जिव कुमार खत्रीले बीमित बाबुराम बुढाथोकीले दिएको बीमा शुल्क कम्पनीमा दाखिला नगरी फरार भएका छन् ।
बीमित बुढाथोकीले कम्पनीमा पोलिसीबारे बुझ्दा बीमा शुल्क नै नबुझाएको पाइए पछि उनले अभिकर्ता खत्री सँग पैसा मागेका थिए । उनले बुढाथोकीलाई ब्याङ्क चेक थमाएर आफु भने फरार भएका छन् । यसरी अभिकर्ताले आफ्नो पैसा ठगेको भन्दै उनले नेपाल लाइफमा उजुरी दिएका छन् ।
बुढाथोकीले एजेन्सी म्यानेजर खत्री मार्फत नयाँ बानेश्वर शाखाबाट २०२१ मे १० मा १२१००५१९३ नम्बरको बीमा पोलिसी खरिद गरेका थिए । उनले बाँकी वर्षको बीमा शुल्क पनि बुढाथोकीलाई नै बुझाए । यसरी बाँकी वर्षको बीमा शुल्कको विषयमा बुझ्न जादा उनले अपचलन गरेको पाइएको भन्दै उनले कम्पनीमा उजुरी दर्ता गराएका छन् । उनले आफ्नो बीमा शुल्क ठगी गर्नेलाई बीमा ऐन तथा प्रचलित कानुन बमोजिम हदैसम्मको कारबाहीको माग गरेका छन् ।
