काठमाडौं । नेपाल लाइफ इन्स्योरेन्स कम्पनीका नायव महाप्रवन्धक स्मृतिराज कडेलले दिएको राजीनामा स्वीकृत भएको छ। कम्पनीले जिम्मेवारी घटाइदिए पछि कडेलले पदबाट राजिनामा दिएका हुन् । राजिनामा दिएर उनि नेशनल लाइफ इन्स्योरेन्स कम्पनीको नायव प्रमुख कार्यकारी अधिकृतमा जादै छन् ।
चारवटा प्रदेशको जिम्मेवारी सम्हाल्दै आएका कडेललाई लुम्बिनी प्रदेश प्रमुखको मात्रै जिम्मेवारी दिएको थियो । जिम्मेवारी घटुवा गरे सँगै उनि असन्तुष्ट थिए । कडेल भन्दा जुनियरलाई बागमती प्रदेशको जिम्मेवारी दिएर उनलाई भने लुम्बिनी प्रदेशको मात्रै जिम्मेवारी दिइएको थियो ।
बजारमा स्थापित र ब्राण बनाएका कर्मचारीलाई टिकाउन नसकेका प्रमुख कार्यकारी अधिकृत प्रविण रमण पराजुलीलाई अर्को धक्का पुगेको छ । उनले आफ्नै टिम बनाएर काम गर्न खोजिरहेका थिए । तर उनले आफ्नो टिम बनाएर काम गर्न नसक्दा अर्को धक्का पुगेको छ ।
एलआइसी नेपालको वागमती प्रदेशको रुपमा कार्यभार सम्हाल्दै गर्दा उनि २०७८ सालमा गुराँस लाइफको नायव प्रमुख कार्यकारी अधिकृतमा भित्रिएका थिए । गुराँस लाइफको नायव प्रमुख कार्यकारी अधिकृत सम्हाल्दै आएका कडेल नेपाल लाइफ भित्रिएका थिए । यसरी दुई वर्षको दौरानमा तीन वटा कम्पनीमा काम गरेर चौथो कम्पनीमा प्रवेश गर्दै छन् ।
