काठमाडौं । नेपाल स्टक एक्सचेन्जमा दुई कम्पनीको आइपीओ सूचिकृत भएको छ । नेप्सेमा दोल्ती पावर कम्पनीको ५३ लाख ६४ हजार ८६० कित्ता र भुगोल इनर्जी डेभलपमेन्ट कम्पनी लिमिटेडको ५४ लाख ४० हजार ५३४ कित्ता साधारण शेयर सूचिकृत भएको हो ।
भुगोल इनर्जीले सर्वसाधारण, स्थानीय बासिन्दा, वैदेशिक रोजारगारीमा गएका नेपाली, कर्मचारीहरू र सामूहिक लगानी कोषको लागि निष्काशन गरेको कुल १६ लाख ३२ हजार १६० कित्ता र कम्पनीका संस्थापक शेयरधनीहरूले लगानी गरेको ३८ लाख ८ हजार ३७४ कित्ता गरी कुल ५४ लाख ४० हजार ५३४ कित्ता साधारण शेयर सूचिकृत गराएको हो ।
कम्पनीलाई पहिलो कारोबारको लागि नेप्सेले ६७ रुपैयाँ ६३ पैसादेखि २०२ रुपैया ८९ पैसासम्मको ओपन रेञ्ज तोकेको छ । यही मूल्य रेञ्जका आधारमा कम्पनीको शेयर बिहीवारदेखि कारोबारमा आउनेछ । शेयर सूचिकरणपश्चात् दिनुपर्ने आरटीएस सेवा एनआईसी एशिया क्यापिटलमार्फत हुने कम्पनीले जनाएको छ । त्यस्तै कम्पनीको स्टक सिम्बोल बीईडीसी रहेको छ ।
त्यस्तै, दोल्ती पावरले पनि सर्वसाधारण, स्थानीय बासिन्दा, वैदेशिक रोजारगारीमा गएका नेपाली, कर्मचारीहरू र सामूहिक लगानी कोषको लागि निष्काशन गरेको कुल १६ लाख ९ हजार ४५८ कित्ता र कम्पनीका संस्थापक शेयरधनीहरूले लगानी गरेको ३७ लाख ५५ हजार ४०२ कित्ता गरी कुल ५३ लाख ६४ हजार ८६० कित्ता साधारण शेयर सूचिकृत गराएको हो ।
कम्पनीलाई पहिलो कारोबारको लागि नेप्सेले ८७ रुपैयाँदेखि २६१ रुपैयाँ सम्मको ओपनिङ रेञ्ज तोकेको छ । यही मूल्य रेञ्जका आधारमा कम्पनीको शेयर बिहीवारदेखि कारोबारमा आउनेछ । त्यस्तै शेयर सूचीकरणपश्चात् दिनुपर्ने आरटीएस सेवा एनआईसी एशिया क्यापिटलमार्फत हुने कम्पनीले जानकारी दिएको छ । त्यस्तै कम्पनीको स्टक सिम्बोल डीओएलटीआई रहेको छ ।
अब यी दुवै कम्पनीको शेयर भोलि बिहीवारदेखि धितोपत्र दोस्रो बजारमा कारोबार हुनेछ ।
