काठमाडौं । नेपाल बीमा प्राधिकरणले युनाइटेड अजोड इन्स्योरेन्स कम्पनीको प्रमुख कार्यकारी अधिकृतमा नियुक्तिका लागि स्वीकृति प्रदान गरेको छ । कम्पनीको सञ्चालक समितिले रावललाई नियुक्ति गरेर अन्तिम स्वीकृतिका लागि बीमा प्राधिकरणमा पेश गरेको थियो ।
कम्पनीले नियुक्ति गर्ने निर्णयलाई प्राधिकरणले स्वीकृति प्रदान गरे सँगै अव उनले औपचारिक रुपमा प्रमुख कार्यकारी अधिकृतको जिम्मेवारी सम्हाल्न पाउने छन् ।
संयुक्त मर्जर समितिले मर्जर अगाडी नै रावललाई नियुक्तिका लागि सिफारिस गरेको थियो । रावल साविक प्रुडेन्सियल इन्स्योरेन्स कम्पनीको प्रमुख कार्यकारी अधिकृत थिए । प्रुडेन्सियल र आइएमई जनरल मर्जर पश्चात रावल बाहिरिएका थिए ।
मर्जरमा गएका कम्पनीको प्रमुख कार्यकारी अधिकृतलाई संस्थागत सुशासन निर्देशिका बमोजिम कुलिङ पिरियड लागु नहुने व्यवस्थाका कारण उनि युनाइटेड अजोड इन्स्योरेन्स कम्पनीको प्रमुख कार्यकारी अधिकृत बन्न योग्य भएका हुन् ।
रावल २०७८ पुस २० गते प्रुडेन्सियल इन्स्योरेन्सको प्रमुख कार्यकारी अधिकृत नियुक्त भएका रावलले आईजीसँगको मर्जरपछि बरिष्ठ नायव प्रमुख कार्यकारी अधिकृतको जिम्मेवारी पाएका थिए । एक पद घटुवा भए पछि उनले युनाइटेड अजोडमा जाने निर्णय गरेका हुन् ।
रावल प्रुडेन्सियलमा काम गर्नु भन्दा अगाडी सगरमाथा इन्स्योरेन्स कम्पनीमा कार्यरत थिए । बीमा क्षेत्रमा लामो अनुभव हासिल गरिसकेका रावलले प्रुडेन्सियल, सगरमाथा, नेको लगायतमा काम गरिसकेका छन् ।
