काठमाडौं । शिखर इन्स्योरेन्स कम्पनी लि.ले आफ्नो नाममा रहेको सवारी साधन शिलबन्दी बोलपत्र मार्फत बिक्रि गर्ने भएको छ । कम्पनीले उक्त सवारी खरिद गर्न चाहने व्यक्ति, संघसंस्थालाई सूचना जारी भएको १५ दिनभित्र शिलबन्दी बोलपत्र पेश गर्न अनुरोध गरेको छ ।
हाल कम्पनीमा भोल्कस्वागन कम्पनीको भेनटो कार, टाटाको सुमो गोल्ड इएक्स, रोयल इन्फिल्डको क्लासिक ३५० र बजाज कम्पनीको २०० एनएस पल्सर बाइक रहेको छ । यी सावरी खरिद गर्न इच्छुक व्यक्तिले गाडीको लागि २ हजार रुपैयाँ शुल्क सहित र मोटरसाइकलको लागि ५ सय रुपैयाँ भुक्तान गरि बोलपत्र फारम भर्नुपर्ने छ । उक्त रकम भने पछि फिर्ता नहुने कम्पनीले जनाएको छ ।
बोलपत्र दाखिला गर्न इच्छुक व्यक्ति, संघ, संस्थाले आफूले कबुलिएको जम्मा रकमको न्यूनतम ५ प्रतिशतले हुन जाने धरौटी बापतको रकम कम्पनीको नेपाल इन्भेष्टमेन्ट बैंक दरबारमार्गमा रहेको शाखामा जम्मा गर्न समेत कम्पनीले आह्वान गरेको छ ।
