काठमाडौं । आज नेप्से परिसूचक १६ दशमलव ५४ अंकले बृद्धि हुँदा १८६६ दशमलव ३४ को विन्दुमा कायम भएको छ । आज कुल १ अर्ब ६५ करोड ४६ लाख ४८ हजार रुपैयाँको शेयर कारोबार हुँदा सबैभन्दा धेरै जोशी हाइड्रोपावर डेभलपमेन्ट कम्पनीका लगानीकर्ताले कमाएका छन् । आज कम्पनीको शेयर ६.९४ प्रतिशतले बृद्धि हुँदा प्रति शेयर मूल्य २८६ रुपैयाँ कायम भएको छ ।
यसैगरी आज बीपीडब्लु लघुवित्त वित्तीय संस्थाको शेयर ६.०८ प्रतिशतले बृद्धि हुँदा प्रति शेयर मूल्य ४०२ रुपैयाँ कायम भएको छ । आज एशिया हाइड्रोपावरको शेयर ५ प्रतिशतले बृद्धि भएको छ भने पाँचथर पावर कम्पनीको शेयर ५.०६ प्रतिशतले बृद्धि हुँदा प्रति शेयर मूल्य ३२६ रुपैयाँ कायम भएको छ ।
