काठमाडौं । बजेटले लगानीकर्तालाई निरुत्साहित बनाएको छ । मर्जर तथा एफपिओ निष्काशन गर्दा हुने प्रिमियम बापतको आम्दानीमा पनि कर तिर्नु पर्ने व्यवस्था सँगै दोस्रो बजारमा मंगलबार कारोबार सुरु भए सँगै गिरावट हुन थालेको हो ।
मंगलबार बजार खुल्ने वित्तै घट्न थालेको हो । समाचार तयार पार्दासम्ममा नेप्से सूचक ५० अंकले घटेको छ । सरकारले हिजो सार्वजनिक गरेको बजेट वक्तव्य सँगै तयार पारेको आर्थिक विधेयकमा एफपिओ र मर्जर पछि कम्पनीले आर्जन गरेको प्रिमियममा पनि कर लाग्ने भन्दै यहि मंसिर मसान्तभित्र कर भुक्तानी गर्न निर्देशन दिएको छ ।
सरकारको यस्तो निर्देशन सँगै दर्जन भन्दा बढी कम्पनीहरुले एफपिओ जारी गर्दा आर्जन गरेको प्रिमियममा अर्बौ रुपैयाँको कर दाखिला गर्नु पर्ने भएको छ । त्यस्तै मर्जरमा गएका बैंक वित्तीय संस्थाहरुले पनि करोडौ रुपैयाँ कर बुझाउनु पर्ने भएको छ । यस्तो व्यवस्थाले धेरै वटा कम्पनीले चालु आर्थिक वर्षको मुनाफाबाट लाभांश दिन पाउने छैनन् । सरकारलाई बुझाउनु पर्ने कर भुक्तानी नगरी उनिहरुले लाभांश दिन पाउने भएकाले दोस्रो बजारमा लगानीकर्तालाई निरुत्साहित पारेको हो ।
आगामी आर्थिक वर्षको बजेटले शेयर बजारलाई खासै संबोधन गर्न सकेन । यसले गर्दा अर्थमन्त्री डा. प्रकाशशरण महत शेयर बजार मैत्री हुन नसकेको आरोप समेत लागेको छ ।
