काठमाडौं । नेपाल स्टक एक्सचेन्जको लापरबाहीले आइतबार मर्जरमा गइसकेको यूनियन लाइफको शेयर खरिद बिक्री भएको छ । जवकी कम्पनीको शेयर कारोबार रोक्का छ । कारोबार रोक्का भएकै समयमा आज १९० कित्ता शेयर खरिद बिक्री भएको हो । आज कम्पनीको ७२ हजार ५५२ रुपैयाँको कारोबार भएको छ ।
कारोबार भएको थाहा पाए पछि नेप्सेले कारोबार बन्द गरिसकेको छ । नेप्सेको त्रुटीले गर्दा मर्जरमा गइसकेको कम्पनीको समेत कारोबार भएको छ । नेपाल स्टक एक्सचेन्जका यस्तै कयौ त्रुटीका कारणले गर्दा पनि लगानीकर्ताहरुले नयाँ स्टक एक्सचेन्जको माग गरेका हुन् ।
नियम विपरित कारोबार भएका कारण कुनै पनि कारोबार सदर हुँदैन । यूनियन लाइफ, प्राइम लाइफ र गुराँस लाइफ मर्जर भएर हिमालयन लाइफ कम्पनी बनिसकेको छ । हिमालयन लाइफले एकिकृत कारोबारको शुरुवात पनि गरिसकेको हुँदा अव हुने कारोबार हिमालयन लाइफको नामबाट हुनेछ ।
